Marinduque-Mogpog Festivals

KANGGA FESTIVAL

Ang kangga ay isang katutubong sasakyan na ang paggamit ay mula pa sa mga ninuno ng mga taga-Marinduque. Ito ay gawa sa kawayan na hinihila ng kalabaw at maaaring pagsakyan maging ng mga produktong pang-agrikultura. Sa pagnanais na mapangalagaan ang kanilang kultura at magbigay parangal sa mga magsasaka lalo na sa Patron ng kanilang bayan na si San Isidro Labrador, pinasimulan ni G. Jun Lavares ang Kangga Festival sa Mogpog sa tulong na rin ng noo'y miyembro ng Sanggunian Bayan na si G. Senen Livelo, Dr. Reynaldo Menorca, Dr. Homer Montejo, G. Galileo Lavares at G. Florito Molbog. At dahilan sa kasigasigan ng mga taga-Mogpog sa paglinang ng kanilang mga matandang kaugalian at relihiyosong tradisyon, naging isang matagumpay na pagdiriwang din ang Kangga Festival na ngayon ay maligaya at may taus-pusong pasasalamat na idinaraos taun-taon para sa Panginoon,

PISTA NG MORIONES

.Ang Pista ng Moriones ay isa sa makukulay na pagdiriwang sa pulo ng Marinduque. Ang Morion ay nangangahulugan “maskara”, na parte ng armor ng Romano na ipinapantakip sa mukha noong panahong Medyibal. Ang Moriones ay ang mga taong nakasuot ng maskara at nakagayak, na nagmamartsa paikot sa bayan, sa loob ng pitong araw sa paghahanap kay Longhino. Ang isang linggong pagdiriwang na ito ay nagsisimula sa Araw ng Lunes Santo at nagtatapos sa Pasko ng Pagkabuhay.

http://discovermogpog.blogspot.com/2010/01/moriones-festival-mogpog.htm

http://discovermogpog.blogspot.com/2009/04/ang-moryon.html